پاکستانی زائرین کا دستہ اجمیر عرس میں شرکت کرنے پہنچے گا

اجمیر//
راجستھان کے اجمیر میں پڑوسی ملک پاکستان کے زائرین کا دستہ خواجہ معین الدین حسن چشتیؒ کے ۱۱۸ویں سالانہ عرس میں شرکت کرنے آئے گا۔
اجمیر ضلع کلکٹر انشدیپ نے بتایاکہ مرکزی وزارت داخلہ سے ملی ہدایات کے بعدان کے ٹھہرانے کے انتظام کو آخری شکل دی جا رہی ہے ۔اجمیرمیں پرانی منڈی سینڑل گرلز اسکول میں پولیس سپراٹنڈنٹ چونا رام کے ساتھ حفاظتی انتظامات کے ساتھ دیگر باتوں کو حتمی شکل دیتے ہوئے ضروری کاموں کو۲۴جنوری سے پہلے پوراکر لیا جائے گا۔
پولیس سپراٹنڈنٹ نے بتایاکہ پاک دستہ۲۴جنوری کے بعداجمیر آئے گا۔ فی الحال پونے پانچ سو زائرین کے آنے کی ابتدائی اطلاع ملی ہے ۔ لیکن فائنل تعداد بعد میں ہی پتہ چلے گی۔
قابل ذکرہے کہ پاک دستہ تین سال بعداجمیر عرس میں آئے گا۔ کورونا کے دور میں ان کا آنا نہیں ہوا۔