سرینگر، جموں قومی شاہراہ پر ٹریفک کی نقل و حمل بحال

سرینگر//س
سرینگر،جموں شاہراہ پر رامسو علاقے کے پنتھیال میں پتھراؤ کی وجہ سے روکے جانے کے بعد پیر کی دوپہر کو ٹریفک کی آمدورفت بحال کردی گئی۔
جموں و کشمیر ٹریفک پولیس نے اپنے آفیشل ٹویٹر پر بتایا کہ پنتھیال میں کلیئرنس کے بعد ہائی وے پر ٹریفک بحال کر دی گئی ہے۔
پولیس نے یہ بھی کہا کہ مسافروں کو احتیاط کے ساتھ گاڑی چلانے کا مشورہ دیا گیا ہے۔
اس سے قبل ٹریفک حکام نے بتایا کہ پیر کے روز سرینگر جموں قومی شاہراہ پر پنتھال کے نزدیک اچانک چٹانیں کھسک آئی جس کے نتیجے میں شاہراہ پر ٹریفک کی نقل و حمل بند کردی گئی۔
حکام نے کہا کہ شاہراہ کو قابل آمد و رفت کی بنانے کیلئے بڑے پیمانے پر آپریشن جاری ہے ۔