سابق مرکزی وزیر شرد یادو کے انتقال پر منوج سنہا کا اظہار دکھ

سرینگر//
جموں کشمیر کے لیفٹیننٹ گورنر منوج سنہا نے سابق مرکزی وزیر شرد یادو کے انتقال پر گہرے دکھ کا اظہار کیا ہے ۔
بتادیں کہ سابق مرکزی وزیر اور جے ڈی یو کے سابق صدر شرد یادو جمعرات کو انتقال کر گئے وہ۷۵برس کے تھے ۔
لیفٹیننٹ گورنر نے اپنے ایک ٹویٹ میں سابق مرکزی وزیر کے انتقال پر صدمے کا اظہار کرتے ہوئے اپنے ایک ٹویٹ میں کہا’’قد آور لیڈر شری شرد یادو جی کے انتقال کی خبر سن کر گہرا صدمہ ہوا‘‘۔
سنہا نے ٹویٹ میں کہا’’ان کا طویل پبلک کیرئر عوام کی بے لوث خدمت کی ایک متاثر کن مثال ہے ۔ ان کے اہلخانہ اور مداحوں کی خدمت میں تعزیت، اوم شانتی‘‘۔
دریں اثنا پی ڈی پی صدر اور سابق وزیر اعلیٰ محبوبہ مفتی نے سابق مرکزی وزیر کے انتقال پر صدمے کا اظہار کرتے ہوئے اپنے ایک ٹویٹ میں کہا’’شرد یادو جی کے اچانک انتقال سے صدمہ ہوا‘‘۔
محبوبہ نے کہا’’ان کا تعلق سیاسی لیڈروں کی اس نسل سے تھا جنہوں نے انڈیا کے نظریے کیلئے لڑائی لڑی اور سیکولرزم اور تنوع کے اپنے اقدار کے ساتھ کبھی سمجھوتہ نہیں کیا‘‘۔
پی ڈی پی صدر نے مرحوم لیڈر کے اہل خانہ خاص کر ان کی اہلیہ ریکھا جی اور بیٹی سبھاشن کو تعزیت پیش کیا۔