ہر ہندوستانی کی پلیٹ میںایک بہاری ڈش ضرور ہو: نتیش

پٹنہ//وزیر اعلیٰ نتیش کمار نے آج دربھنگہ ضلع میں مختلف محکموں کے تحت جاری ترقیاتی اسکیموں کا ‘سمادھان یاترا’ کے دوران معائنہ کیا۔ معائنہ کے دوران وزیر اعلیٰ نے منی گاچھی بلاک کے تحت برہم پورہ بھٹ پورہ پنچایت کے وارڈ نمبر 2 کی دلت بستی کا دورہ کیا اور ترقیاتی منصوبوں کا جائزہ لیا۔ معائنہ کے دوران وزیر اعلیٰ نے دیگر ترقیاتی کاموں کا جائزہ لیا جن میں رورل اسٹریٹ سولر لائٹس، پوکھر میں مکھانہ کی کاشت، آنگن واڑی سنٹر بھٹ پورہ، سائی بابا جیویکا سیلف ہیلپ گروپ کی مالی مدد سے کھولے گئے گروسری اسٹور، ہر گھر نل کاجل منصوبہ سمیت ترقیاتی منصوبوں کا جائزہ لیا۔ اسٹارٹ اپ کی شکل ایم بی اے مکھانا والا کے ذریعہ کئے جارہے مکھانہ پروسیسنگ اور مکھانا سے بنائے جارہے لڈو برفی9 ذائقے والے سپر فوڈ وغیرہ کی مارکیٹنگ کے بارے میں اسٹاک فوڈ ٹکنالوجسٹ مسٹر اندوشیکھر سنگھ نے وزیر اعلیٰ کو تفصیلی جانکاری دی۔وزیر اعلیٰ نے مکھانا ڈیولپمنٹ منصوبہ کے مستفیدین کو کٹ فراہم کی۔ وزیراعلی نے چیف منسٹر مائناریٹی ایمپلائمنٹ لون اسکیم، مسلم لاوارث/طلاق شدہ خواتین کی امداد اسکیم، "وزیراعلی معذور میرج پروموشن گرانٹ اسکیم”، انٹر کاسٹ میرج پروموشن گرانٹ اسکیم "وغیرہ کے بارے میں لوگوں سے جانکاری لی۔ وزیر اعلی نے دیہی ہاو [؟]سنگ اسکیم کے مستفدین کو علامتی چیک دیا۔ وزیر اعلیٰ نے "مکھیہ منتری شرم شکتی منصوبہ ” کے تحت تربیت یافتہ نوجوانوں کو سرٹیفکیٹ اورمستفیدین کو” وزیراعلی گرام پریوہن ایمبولینس منصوبہ”کی چابیاں دیں۔ برہم پورہ بھٹ پورہ کے وارڈ نمبر 2 میں تختی کی نقاب کشائی کرتے ہوئے وزیر اعلیٰ نے کمیونٹی سینٹر کا افتتاح کیا اور اس کا معائنہ بھی کیا۔ اس دوران وزیر اعلیٰ نے جیویکا گروپ کی دیدیوں، گاو [؟]ں والوں اور بہار مہادلت ڈیولپمنٹ مشن کے تحت چلائے جانے والے اوما کشوری گروپ کی لڑکیوں سے بات چیت کی، ان کے مسائل سنے اور ڈی ایم کو انہیں حل کرنے کی ہدایت دی۔