مودی نے طالبہ ایشیتا کی پی پی سی پر بنائی گئی پینٹنگ کی تعریف کی

نئی دہلی//) وزیر اعظم نریندر مودی نے پیر کو ‘پریکشا پہ چرچا’ 2023 پر کیندریہ ودیالیہ، امبالا کینٹ کی نویں جماعت کی طالبہ کماری ایشیتا کی بنائی گئی پینٹنگ کی تعریف کی ہے ۔
کیندریہ ودیالیہ سنگٹھن کے ایک ٹویٹ کا جواب دیتے ہوئے وزیر اعظم نے ٹویٹ کیا، "بہت خوب! تصویروں کے ذریعے امتحان کے وقت طلباء کے روزمرہ کے معمولات کی بہترین پیش کش۔
ایک دیگر ٹویٹ میں مسٹر مودی نے کہا، ”کیندریہ ودیالیہ ۔امبالہ چھاونی میں نویں جماعت کی طالبہ ایشیتا نے امتحانات کے بارے میں اپنے خیالات کو تصویر کے ذریعہ کچھ اس طرح رنگ بھرے ہیں۔ انہوں نے کہا کہ تصویر میں دکھایا گیا ہے کہ طلباء امتحان کو تہوار کے طور پر لیں، جس میں اپنی قلم کا استعمال کریں، زیادہ سے زیادہ مشق کریں، نصابی کتابوں کو غور سے پڑھیں۔ طلباء کو چاہیے کہ وہ صبح سویرے اٹھیں اور میڈیٹیشن کریں۔ طلباء کو چاہیے کہ وہ صحت بخش کھانا کھائیں تاکہ ان کی صحت اچھی ہو اور امتحانات کی اچھی تیاری کر سکیں۔ طلباء کو پڑھائی کے دوران کم دباؤ میں رہنا چاہیے اور درمیان میں پڑھائی کے دوران وقفہ لینا چاہیے ۔ پوری نیند لینی چاہئے ، ہر چیز کی صحیح منصوبہ بندی کرنی چاہئے اور اس بات پر توجہ مرکوز کرنی چاہئے کہ کس طرح خود کو متحرک کرنا ہے اور کس طرح کام کرنا ہے اس پر توجہ دینی چاہئے ۔
وزیر اعظم نے ایشیتا کی ‘پریکشا پہ چرچا 2023’ پینٹنگ کی بہت تعریف کی ہے ۔