کانگریس کے دروازے سبھی کیلئے کھلے ہیں‘آزاد کیلئے بھی :میر

سرینگر//
جے کے پی سی سی کے سابق سربراہ غلام احمد میر نے ہفتہ کے روز کہا کہ کانگریس پارٹی کے دروازے سب کے لئے کھلے ہیں یہاں تک کہ غلام نبی آزاد کے لئے بھی۔
میر سابق ڈی سی ایم تارا چند اور دیگر کے دوبارہ شامل ہونے کے بارے میں ایک سوال کا جواب دے رہے تھے جنہوں نے جمعہ کو نئی دہلی میں دوبارہ کانگریس میں شمولیت اختیار کی۔
میر نے کہا’’ہم ان تمام لوگوں کا خیرمقدم کرتے ہیں جو سیکولر ہیں اور کانگریس کے ساتھ کام کرنا چاہتے ہیں۔ پارٹی نے اپنے دروازے کسی کیلئے بند نہیں کیے ہیں۔ یہاں تک کہ اگر غلام نبی آزاد جی پارٹی میں واپس آنا چاہتے ہیں تو ہم انہیں دوبارہ خوش آمدید کہیں گے‘‘۔
میر نے جواب دیا کہ تارا چند اور دیگر جنہوں نے پہلے پارٹی سے استعفیٰ دیا تھا وہ پچھلے سات سالوں سے ’غیر فعال‘ تھے لیکن پارٹی نے کوئی کارروائی نہیں کی۔ان کاکہنا تھا’’استعفیٰ ان کی اپنی مرضی تھی اور وہ آزاد کی قیادت والے گروپ میں شامل ہوئے۔ تاہم معاملات کو قریب سے دیکھنے کے بعد وہ پارٹی میں واپس آگئے جس کا خیر مقدم کیا گیا۔‘‘