نابالغ لڑکی سے چھیڑ چھاڑ کے الزام میں شہری گرفتار

سرینگر/۲؍ اپریل
سرینگر پولیس نے ہفتہ کو ایک لڑکی کو جنسی زیادتی کا نشانہ بنانے کی خبروںکی تردید کرتے ہوئے کہا ہے کہ ایک نابالغ لڑکی سے چھیڑ چھاڑ کرنے کے الزام میں ایک شخص کو گرفتار کیا گیاہے۔
ایک بیان میںپولیس کاکہنا تھا’’ایک نابالغ لڑکی کی عصمت دری کے بارے میں وائرل خبریں جھوٹی ہیں۔ نہ تو شکایت اور نہ ہی طبی معائنے میں عصمت دری یا کسی قسم کا تشدد ظاہر ہوا ہے۔ چونکہ چھیڑ چھاڑ کے الزامات تھے، ہم نے POCSO اور IPC کی متعلقہ دفعات کے تحت مقدمہ درج کیا‘‘۔
بیان میں کہا گیا ’’ملزم کو بھی فوری طور پر گرفتار کر لیا گیا‘‘۔
بیان میں مزید کہا گیا ہے ’’سرینگر پولیس اپنے تمام شہریوں کو یقین دلاتی ہے کہ خواتین کے خلاف جرائم کو ہر گز برداشت نہیں کیا جائے گا اور قانون کے تحت سخت کارروائی کی جائے گی۔ ہم سب سے مزید درخواست کرتے ہیں کہ کچھ بے ایمان عناصر کی طرف سے پھیلائی جانے والی محرک افواہوں پر کان نہ دھریں۔‘‘