کووڈ کیسوں میں کمی :ہوائی سفر کے دوران ماسک اب لازمی نہیں :حکومت

نئی دہلی//
کورونا وائرس کے معاملات میں کمی کے درمیان شہری ہوابازی کی وزارت نے بدھ کے روز کہا کہ ہوائی سفر کے دوران ماسک کا استعمال لازمی نہیں ہے لیکن مسافروں کو ترجیحی طور پر ان کا استعمال کرنا چاہئے ۔
اب تک پروازوں میں سفر کے دوران ماسک یا چہرے کے کور کا استعمال لازمی تھا۔
طے شدہ ایئر لائنز کو ایک مراسلے میں، وزارت نے کہا کہ تازہ ترین فیصلہ حکومت کی کووڈ کے انتظامی ردعمل کے لیے درجہ بندی کی پالیسی کے مطابق کیا گیا ہے۔
مراسلے میں کہا گیا ہے ’’اب سے پرواز کے اندر ہونے والے اعلانات میں صرف اس بات کا ذکر کیا جا سکتا ہے کہ کووڈ سے لاحق خطرے کے پیش نظر، تمام مسافروں کو ترجیحی طور پر ماسک/فیس کور کا استعمال کرنا چاہیے‘‘۔
اس نے یہ بھی کہا کہ دوران پرواز اعلانات کے حصے کے طور پر جرمانہ/تعزیزی کارروائی کے کسی خاص حوالہ کا اعلان کرنے کی ضرورت نہیں ہے۔
تازہ ترین سرکاری اعداد و شمار کے مطابق، ملک میں فعال کورونا وائرس کے کیسز کی کل تعداد کل انفیکشن کا صرف۰۲ء۰ فیصد تھی اور صحت یابی کی شرح بڑھ کر۷۹ء۹۸ فیصد ہوگئی ہے۔
اس بیماری سے صحت یاب ہونے والوں کی تعداد بڑھ کر ۴کروڑ۴۱لاکھ۲۸ہزار۵۸۰ ہو گئی ہے اور اموات کی شرح۱۹ء۱ فیصد ریکارڈ کی گئی ہے۔