اے سی بی نے ایگزیکٹیو انجینئر کو رشوت لیتے ہوئے گرفتار کیا

سرینگر//
جموںکشمیر اینٹی کرپشن بیورو(اے سی بی) نے پہلگام ڈولپمنٹ اتھارٹی میں تعینات ایگزیکٹیو انجینئر کو دس ہزار روپے کی رشوت لیتے ہوئے رنگے ہاتھوں گرفتار کیا۔
اے سی بی کے ایک ترجمان نے بتایا کہ اینٹی کرپشن بیورو کو ایک شکایت موصول ہوئی کہ پہلگام ڈیلوپمنٹ اتھارٹی میں تعینات ایگزیکٹیو انجینئر واجب الادا رقم کی واگزری کیلئے سائل سے۲۰ہزار روپے کی رشوت طلب کر رہا ہے ۔
ترجمان نے بتایا کہ اے سی بی نے اس ضمن میں ایف آئی آر زیر نمبر۲۰۲۲/۴کے تحت درج کرکے تحقیقات شروع کی ۔
ترجمان نے کہاکہ بدھ کے روز اینٹی کرپشن بیور و نے ایک جال بچھایا جس دوران ایگزیکٹیو انجینئر مظفر احمد کو سائل سے دس ہزار روپیہ کی رشوت لیتے ہوئے رنگے ہاتھوں دھر دبوچ کر سلاخوں کے پیچھے دھکیل دیا گیا۔
اے سی بی نے کہاکہ آزاد گواہوں کی موجودگی میں ایگزیکٹیو انجینئر کے قبضے سے دس ہزار روپیہ کی رقم برآمد کرکے ضبط کی گئی۔