پانپور میں عدم شناخت لاش بر آمد

سرینگر//
جنوبی کشمیر کے ضلع پلوامہ کے پانپور علاقے میں پیر کو ایک عدم شناخت لاش بر آمد کی گئی۔
سرکاری ذرائع نے بتایا کہ پانپور کے کدلہ بل علاقے میں پیر کو مقامی لوگوں نے ایک لاش دیکھی اور اس کے متعلق پولیس کو مطلع کیا۔
ذرائع نے کہا کہ اطلاع موصول ہوتے ہی ایک پولیس ٹیم جائے واردات پر پہنچی اور لاش کو طبی و قانونی لوازمات کی ادائیگی کے لئے اپنی تحویل میں لے لیا۔
ان کا کہنا تھا کہ لاش کو سب ضلع ہسپتال پانپور کے لاش گھر میں شناخت کیلئے رکھا گیا ہے ۔