پانچویں دن بھی ایندھن کی قیمتوں میں اضافہ، دہلی میں پٹرول۱۰۰روپے کو پار کر گیا

نئی دہلی/۲۹مارچ
ملک میں تیل کی مارکیٹنگ کمپنیوں نے منگل کو مسلسل پانچویں دن پٹرول اور ڈیزل کی قیمتوں میں اضافہ کیا۔ اس اضافے کے ساتھ ہی قومی دارالحکومت دہلی میں پٹرول۱۰۰روپے فی لیٹر کو پار کر گیا ہے ۔
دہلی میں۸۰پیسے کی چھلانگ کے ساتھ، پٹرول کی قیمت۲۱ء۱۰۰روپے فی لیٹر اور ڈیزل کی قیمت۷۰پیسے اضافے کے ساتھ۴۷ء۹۱روپے فی لیٹر ہو گئی۔ وہیں پیر کو پٹرول۴۱ء۹۹روپے اور ڈیزل۷۷ء۹۰روپے فی لیٹر تھا۔
ممبئی میں پٹرول کی قیمت ۸۵پیسے سے بڑھ کر۰۴ء۱۱۵روپے فی لیٹر اور ڈیزل کی قیمت۷۵پیسے سے بڑھ کر۲۵ء۹۹روپے فی لیٹر ہو گئی ہے ۔
تیل کمپنیوں نے۱۳۷دن کے استحکام کے بعد پٹرول اور ڈیزل کی قیمتوں میں اضافہ شروع کردیا ہے جس کی وجہ سے گزشتہ آٹھ دنوں میں پٹرول اور ڈیزل کی قیمتوں میں سات گنا اضافہ ہوچکا ہے ۔
بین الاقوامی مارکیٹ میں اتار چڑھاؤ کے درمیان خام تیل کی قیمتوں میں کمی دیکھی جا رہی ہے ۔ لندن برینٹ کروڈ آج۳۱ء۱فیصد کم ہوکر ۰۱ء۱۱۱ڈالر فی بیرل اور یو ایس کروڈ ۱۴ء۱فیصد کم ہوکر۷۵ء۱۰۴ڈالر فی بیرل پر ہے ۔
پٹرول اور ڈیزل کی قیمتوں کا روزانہ جائزہ لیا جاتا ہے اور اسی کی بنیاد پر نئی قیمتیں روزانہ صبح ۶بجے سے لاگو ہوتی ہیں۔