کشمیر سے۹ہزارمیوہ گاڑیاںجموںروانہ:سرکاری ذرائع

سرینگر//
سرکاری ذرائع کے مطابق وادی کشمیر کو ملک کے باقی حصوں کے ساتھ جوڑنے والی سرینگر، جموں قومی شاہراہ کے راستے سے گذشتہ چوبیس گھنٹوں کے دوران میوہ سے لدے قریب نو ہزار ٹرک سری نگر سے جموں کی طرف روانہ ہوئے ہیں۔
ایک سرکاری عہدیدار نے بتایا کہ سرینگر،جموں قومی شاہراہ کے راستے سے گذشتہ چوبیس گھنٹوں کے دوران۱۰ہزار۷۴بڑی گاڑیوں نے قاضی گنڈ پار کیا ہے ۔انہوں نے کہا کہ ان گاڑیوں میں میوہ سے بھرے ۸ ہزار۸سو۲۰گاڑیاں شامل ہیں۔
ان کا کہنا تھا کہ ناساز گار موسمی حالات کے بیچ وہ ان گاڑیوں کی دن رات نقل و حرکت کو ممکن بنا سکے ۔
قابل ذکر ہے کہ جموں وکشمیر انتظامیہ نے متعلقہ محکمے کو قومی شاہراہ پر درماندہ گاڑیوں کو چوبیس گھنٹوں کے اندر اپنے اپنے منزلوں کی طرف روانگی کو یقینی بنانے کی ہدایت دی تھی۔