وادی میں ۹ ؍ اور جموں صوبے میں ۲ مثبت کیس

سرینگر//
جموں کشمیر میں گزشتہ ۲۴ گھنٹوں کے دوران ۱۱ نئے مثبت معاملات سامنے آئے ہیں ۔
اس مدت کے دوران دونوں صوبوں میں کورونا سے کوئی نئی موت درج نہیں ہو ئی ہے ۔
ایک سرکاری بیان میں کہا گیا ہے کہ مجموعی ۱۱نئے مثبت معاملات میں سے۹کا کشمیر اور ۲کا تعلق جموں صوبے سے ہے۔
اِس طرح مثبت معاملات کی کل تعداد۴لاکھ۵۳ہزار۶۳۷تک پہنچ گئی ہے‘جن میں سے۱۳۵(صوبہ جموں میں۳۰؍ اور کشمیر صوبے میں۱۰۵)سر گرم معاملات ہیں۔اَب تک۴لاکھ۴۸ہزار۷۵۲؍اَفراد صحت یاب ہوئے ہیں ۔
بیان کے مطابق پچھلے چوبیس گھنٹوں کے دوران ضلع سرینگر میں۳‘اسلام آباد میں۵؍ اور ضلع بارہمولہ میں ایک نیا معاملہ درج کیا گیا۔بڈگام ، پلوامہ ،کپواڑہ ،بانڈی پورہ ،گاندربل، کولگام اورشوپیان اضلاع سے مثبت معاملات کی کوئی رِپورٹ نہیں ہے۔
اِسی طرح جموں میں ایک اور ضلع اودھمپور میں بھی ایک نیا معاملہ سامنے آیاہے ۔ راجوری ، ڈوڈہ ،کٹھوعہ ،سانبہ،کشتواڑ ، پونچھ ،رام بن اور رِیاسی اضلاع سے کسی مثبت معاملے کی کوئی رِپورٹ نہیں آئی ہے۔
بیان کے مطابق جموں کشمیر میں گزشتہ ۲۴ گھنٹوں کے دوران کورونا سے کوئی تازہ موت درج نہیں ہو ئی ہے ۔ بیان کے مطابق اب تک جموں وکشمیر میں کوروناوائرس سے مرنے والوں کی مجموعی تعداد۴۷۵۰تک پہنچ گئی ،جن میں سے۲۴۲۳کا کشمیر اور۲۳۲۷کاتعلق جموں صوبہ سے ہے۔
اِسی دوران آج مزید۱۰؍اَفراد شفایاب ہوئے ہیںجن میںجموں صوبے کے۶؍افراداور کشمیر صوبے کے۴؍افرادشامل ہیں۔