مطلع ابر آلود‘ ہلکی بوندا باندی بھی ‘بارشیں متوقع

سرینگر//
ہفتہ کو مطلع ابر آلود رہنے اور ہلکی بوندا باندی کے بیچ محکمہ موسمیات نے وادی کشمیر میں اگلے چوبیس گھنٹوں کے دوران گرج چمک کے ساتھ بارشوں کی پیش گوئی کی ہے ۔
موسمیات محکمے کے ایک ترجمان کے مطابق وادی میں اگلے چوبیس گھنٹوں کے دوران کہیں کہیں گرج چمک کے ساتھ ہلکی سے درمیانی درجے کی بارشوں کا امکان ہے ۔انہوں نے کہا کہ بعد ازاں وادی میں۳۰ستمبر تک موسم مجموعی طور پر خشک رہنے کی توقع ہے ۔
ہفتہ کو سرینگر اور وادی کے بیشتر اضلاع میں مطلع دن بھر ابر آلود رہا جبکہ ہلکی بوندا باندی بھی ہو ئی ۔
دریں اثنا وادی میں شبانہ درجہ حرارت معمول سے زیادہ ریکارڈ ہوا ہے ۔
دارلحکومت سرینگر میں کم سے کم درجہ حرارت۶ء۱۶ڈگری سینٹی گریڈ ریکارڈ کیا گیا جو معمول سے ۲ء۶ڈگری سینٹی گریڈ زیادہ ریکارڈ ہوا تھا۔سیاحتی مقام گلمرگ میں کم سے کم درجہ حرارت۰ء۸ڈگری سینٹی گریڈ ریکارڈ کیا گیا جو معمول سے ۰ء۱ڈگری سینٹی گریڈ زیادہ ریکارڈ ہوا تھا۔
دوسرے سیاحتی مقام پہلگام میں کم سے کم درجہ حرارت۸ء۱۰ڈگری سینٹی گریڈ ریکارڈ کیا گیا جو معمول سے۶ء۴ڈگری سینٹی گریڈ زیادہ ریکارڈ ہوا تھا۔
شمالی ضلع کپوارہ میں کم سے کم درجہ حرارت۳ء۱۲ڈگری سینٹی گریڈ ریکارڈ کیا گیا جو معمول سے ۰ء۳ڈگری سینٹی گریڈ زیادہ ریکارڈ ہوا تھا۔
قصبہ قاضی گنڈ میں کم سے کم درجہ حرارت۰ء۱۵ڈگری سینٹی گریڈ ریکارڈ کیا گیا جو معمول سے۱ء۶ڈگری سینٹی گریڈ زیادہ ہے۔