چاڈورہ گرینیڈ حملے میں ملوث دو ہابرڈ جنگجو گرفتار: پولیس

سرینگر/۲۰اگست
جموںکشمیر پولیس نے دعویٰ کیا ہے کہ گوپال پورہ چاڈورہ میں ہوئے گرینیڈ حملے میں ملوث دو ہائبرڈ جنگجوو¿ں کی گرفتاری عمل میں لائی گئی۔
پولیس کے ایک ترجمان نے بتایا کہ پندرہ اگست کی شام کو ملی ٹینٹوں نے گوپال پورہ چاڈورہ میں رہائشی مکان پر گرینیڈ داغا جس کے نتیجے میں ایک مقامی شہری زخمی ہوا۔
ترجمان نے بتایا کہ گرینیڈ حملے کے بعد پولیس نے جانچ پڑتال شروع کی جس دوران دو ہائبرڈ جنگجوو¿ں کے ملوث ہونے کے بارے میں پتہ چلا جس کے بعد دونوں کی گرفتاری عمل میں لائی گئی۔
گرفتار ہائبرڈ جنگجوو¿ں کی شناخت ساہل وانی اور الطاف فاروق عرف عامر کے بطور ہوئی ۔پولیس کا کہنا ہے کہ گرینیڈ حملے کو انجام دینے کی خاطر استعمال میں لائی گئی گاڑی کو بھی ضبط کیا گیا۔
پولیس ترجمان کے مطابق اس سلسلے میں مزید تحقیقات جاری ہے ۔