۔ملک دشمن عناصر کے منصوبوں کو ناکام بنانے کیلئے مزید چوکسی کی ضرورت ‘

جموں//
جموں کشمیر پولیس کے سربراہ دلباغ سنگھ نے پیر کے روز رام بن اور کشتواڑ اضلاع کے دورے کے دوران سیکورٹی صورتحال کا جائزہ لیا۔
معلوم ہوا ہے کہ پولیس سربراہ نے مژھل یاترا کے حوالے سے کئے جارہے انتظامات کے بارے میں بھی آفیسران سے آگاہی حاصل کی۔
پولیس کے ایک ترجمان نے بتایا کہ پولیس چیف دلباغ سنگھ نے پیر کے روز رام بن اور کشتواڑ اضلاع کا دورہ کیا او روہاں پر سیکورٹی صورتحال کا جائز ہ لیا۔
پولیس سربراہ نے مختلف سیکورٹی ایجنسیوں کے درمیان قریبی تال میل کو ناگزیر قرار دیتے ہوئے کہاکہ امن دشمن عناصر کو ناکام بنانے کی خاطر سیکورٹی ایجنسیاں آپس میں قریبی رابطے بنائے رکھیں۔
پولیس چیف نے اس موقع پر کہا کہ مژھل یاترا کو بہ احسن خوبی پایہ تکمیل تک پہنچانے کی خاطر زمینی سح پر اقدامات اُٹھانے کی ضرورت ہے ۔
پولیس سربراہ نے بعد میں ضلع پولیس آفس کشتواڑ کا دورہ کیا اور وہاں پر آفیسران کے ساتھ میٹنگ کی ۔
دلباغ سنگھ نے کہا کہ ملک دشمن عناصر کے خلاف سخت کارروائی عمل میں لانے کی ضرورت ہے ۔ انہوں نے آفیسران پر زور دیا کہ وہ جرائم کا قلع قمع کرنے کی خاطر جدید ٹیکنالوجی کا بھر پور استعمال کریں۔
پولیس سربراہ نے بتایا کہ یوم آزادی کے پیش نظر ضلع میں امن دشمن عناصر کے منصوبوں کو ناکام بنانے کی خاطر سی سی ٹی وی اور ڈرونز سے استفادہ حاصل کرنے کی ضرورت ہے ۔
اس موقع پر ایس ایس پی کشتواڑ نے پولیس چیف کو ضلع کی سیکورٹی صورتحال کے بارے میں جانکاری فراہم کرتے ہوئے بتایا کہ جشن آزادی اور رکھشا بندھ کے حوالے سے پولیس نے سبھی انتظامات مکمل کئے ہیں۔
پولیس ترجمان کا مزید کہنا ہے کہ پولیس سربراہ نے آفیسران کو ہدایت دی کہ ملی ٹینٹوں کے ارادوں کو ناکام بنانے کی خاطر سیکورٹی ایجنسیاں آپس میں قریبی تال میل کواور زیادہ مستحکم کریں۔انہوں نے آفیسران کو بتایا کہ روزانہ کی بنیادوں پر صورتحال کے بارے میں باہمی گفت وشنید ہونی چاہئے ۔
پولیس سربراہ نے کہا کہ ملی ٹینٹوں کی نقل وحرکت کو روکنے کی خاطر دہشت گردانہ مخالف آپریشنز میں شدت لائی جائے ۔انہوں نے کہا کہ ملک دشمن عناصر کے منصوبوں کو ناکام بنانے کی خاطر مزید احتیاط برتنے کی ضرورت ہے ۔