ہٹ اینڈ رن کیس :زخمی پولیس اہلکاردم توڑ بیٹھا

سرینگر/۲۰مارچ
شمالی کشمیر کے کرلہ گنڈ ہندواڑہ میں گاڑی کی ٹکر سے زخمی ہوا پولیس اہلکار اتوار کی صبح ہسپتال میں دم توڑ گیا۔
سرکاری ذرائع نے بتایا کہ کرالہ گنڈ ہندواڑہ میں۱۸مارچ کے روز ایک نامعلوم گاڑی نے پولیس اہلکار خورشید احمد ملک ولد عبدالحد ملک ساکن ہانگہ ماور کو زور دار ٹکر ماری جس وجہ سے وہ شدید طورپر زخمی ہوا۔
انہوں نے بتایا کہ مذکورہ پولیس اہلکار کو علاج ومعالجہ کی خاطر ہسپتال منتقل کیا گیا جہاں دو روز تک موت وحیات کی کشمکش میں مبتلا رہنے کے بعد پولیس اہلکار اتوار کی صبح کو دم توڑ گیا۔
پولیس نے اس ضمن میں پہلے ہی ایک مقدمہ درج کیا ہے جبکہ مفرور ڈرائیور کی تلاش بڑے پیمانے پر شروع کی گئی ہے ۔