جوز بٹلر نے ٹی ٹوئنٹی میں 15 ہزار رنز مکمل کرکے تاریخ رقم کردی

کارڈف، 18 ستمبر (یواین آئی) انگلینڈ کے وکٹ کیپر بلے باز جوز بٹلر نے سری لنکا کے خلاف دوسرے ٹی ٹوئنٹی انٹرنیشنل میں 15 ہزار رنز مکمل کرکے یہ اعزاز حاصل کرنے والے دنیا کے پہلے کھلاڑی بن گئے۔ کارڈف میں کھیلے گئے میچ میں بٹلر نے ایشان ملنگا کی گیند پر سنگل لے کر یہ تاریخی سنگ میل عبور کیا۔ اس کے ساتھ ہی انہوں نے ویسٹ انڈیز کے سابق آل راؤنڈر کیرون پولارڈ کو پیچھے چھوڑتے ہوئے ٹی ٹوئنٹی کرکٹ میں سب سے زیادہ رنز بنانے والے بلے باز کا اعزاز بھی حاصل کرلیا۔ بٹلر نے 528 میچوں میں 35.46 کی اوسط اور 147.46 کے اسٹرائیک ریٹ سے 15 ہزار رنز مکمل کیے ہیں، جن میں 9 سنچریاں اور 107 نصف سنچریاں شامل ہیں۔ پولارڈ 754 میچوں میں 14,999 رنز کے ساتھ دوسرے نمبر پر ہیں۔ انگلینڈ کے ایلکس ہیلز 537 میچوں میں 14,581 رنز کے ساتھ تیسرے، ویسٹ انڈیز کے کرس گیل 463 میچوں میں 14,562 رنز کے ساتھ چوتھے، جبکہ آسٹریلیا کے ڈیوڈ وارنر 439 میچوں میں 14,284 رنز کے ساتھ پانچویں نمبر پر ہیں۔