شاداب خان نے ٹی ٹوئنٹی کرکٹ میں دوسری ہیٹ ٹرک مکمل کرلی

جارج ٹاؤن، 18 ستمبر (یواین آئی) پاکستانی آل راؤنڈر شاداب خان نے کیریبیئن پریمیئر لیگ (سی پی ایل) میں گیانا ایمیزون واریئرز کے خلاف شاندار بولنگ کرتے ہوئے ٹی ٹوئنٹی کرکٹ میں اپنی دوسری ہیٹ ٹرک مکمل کرلی۔
اینٹیگا اینڈ باربوڈا فیلکنز کی نمائندگی کرنے والے شاداب نے نویں اوور کی آخری تین گیندوں پر شمرون ہیٹمایر، مہدی حسن میراز اور کوئینٹن سیمپسن کو آؤٹ کرکے ہیٹ ٹرک مکمل کی۔
اس کارنامے کے ساتھ شاداب سی پی ایل میں ہیٹ ٹرک کرنے والے تیسرے بولر بن گئے ہیں۔ یہ ٹی ٹوئنٹی کرکٹ میں ان کی دوسری ہیٹ ٹرک ہے۔
ٹی ٹوئنٹی کرکٹ میں تین ہیٹ ٹرکس کے ساتھ محمد سمیع شاداب خان سے آگے ہیں۔