سرینگر؍۱۳؍اگست
مرکز کے زیر انتظام علاقے لداخ میں جمعرات کی صبح چار گھنٹے کے اندر زلزلے کے دو جھٹکے محسوس کیے گئے۔
ریکٹر اسکیل پر زلزلے کی شدت بالترتیب۵ء۵؍ اور۴ء۳ریکارڈ کی گئی۔
نیشنل سینٹر فار سیسمولوجی کے مطابق زلزلے کا پہلا جھٹکا صبح۶ بج کر۵منٹ پر محسوس کیا گیا، جس کی شدت ریکٹر اسکیل پر۵ء۵ ریکارڈ کی گئی۔ زلزلے کا مرکز لیہہ،لداخ کے علاقے میں۳۶ء۸۸۱ گری شمالی عرض البلد اور۷۴ء۴۰۲ ڈگری مشرقی طول البلد پر زمین کی سطح سے۱۰ کلومیٹر کی گہرائی میں واقع تھا۔
اس کے تقریباً چار گھنٹے بعد، صبح۹ بج کر۵۴ منٹ پر دوسرا جھٹکا محسوس کیا گیا۔ ریکٹر اسکیل پر اس کی شدت۴ء۳ ریکارڈ کی گئی۔
ان دونوں زلزلوں کے جھٹکے کشمیر اور لداخ کے مختلف علاقوں میں محسوس کیے گئے۔ فی الحال اس واقعے میں کسی بھی قسم کے جانی یا مالی نقصان یا کسی کے ہلاک و زخمی ہونے کی کوئی اطلاع نہیں ہے۔
۔۔۔۔۔۔
ایجنسیاں
