فونسیکا کو شکست دے کر شیلٹن نے کینیڈا اوپن کے کوارٹر فائنل میں جگہ بنائی

مونٹریال، 10 اگست (یو این آئی) دفاعی چیمپئن بین شیلٹن نے برازیل کے جوآؤ فونسیکا کو شکست دے کر کینیڈا اوپن کے کوارٹر فائنل میں جگہ بنا لی ہے۔
اتوار کو کھیلے گئے مقابلے میں امریکہ کے ٹینس کھلاڑی بین شیلٹن نے برازیل کے 19 سالہ جوآؤ فونسیکا کو 6-3، 7-6(3) سے شکست دے کر کوارٹر فائنل میں جگہ بنائی۔ شیلٹن نے چوتھے راؤنڈ میں بھی اپنی کامیابی کا سلسلہ جاری رکھا۔
تیز ہواؤں اور دونوں سیٹوں میں ابتدائی بریک کے باعث پیچھے رہنے کے باوجود شیلٹن نے بھرپور مقابلہ کیا اور ایک گھنٹہ 48 منٹ میں کامیابی حاصل کی۔
میچ کے بعد شیلٹن نے کہا، ’’آج حالات مشکل تھے اور میں نے اچھا مقابلہ کیا۔ کھیلنے کے لیے حالات آسان نہیں تھے۔ کئی گیندوں پر مجھے اپنی گرفت مضبوط رکھنے میں دشواری ہوئی اور انہیں بھی ہوئی۔ ایسے میچ میں اصل چیز حوصلہ اور جذبہ ہوتا ہے۔ اس لیے جوآؤ جیسے بہترین کھلاڑی کے خلاف کامیابی حاصل کرنا میرے لیے بہت بڑی بات ہے۔‘‘