سندر نے ڈیبیو پر ہی لنکا شائر کو سنسنی خیز جیت دلائی

لندن// واشنگٹن سندر نے لنکا شائر کے لیے پہلی اننگ میں پانچ وکٹ لینے کے بعد نارتھمپٹن ​​شائر کے خلاف کاؤنٹی چیمپئن شپ میچ میں چوتھی اننگ میں 34 رنوں کی ناٹ آوٹ اننگ کھیلتے ہوئے مہمان ٹیم کو چار وکٹوں سے بیش قیمتی جیت دلانے میں مددکی۔
نارتھمپٹن ​​میں اس جیت کے ساتھ، لنکاشائر فی الحال ہیمپشائر سے صرف ایک پوائنٹ پیچھے کاؤنٹی چیمپئن شپ کے فرسٹ ڈویژن کے تیسرے نمبر پر ہے، حالانکہ ہنٹس اور گلوسٹر شائر کے میچ کا چوتھا دن ابھی ختم نہیں ہوا ہے۔
سندر نے پہلے دو دنوں میں اپنے کاؤنٹی ڈیبیو پر 76 رن دے کرپانچ وکٹ لے کر میزبان ٹیم کو 235 تک محدود کر دیا۔ تاہم، اس کے جواب میں لنکاشائر نے صرف 132 رنز بنائے، جس میں سندر کے لیے نمبرچھ پر آتے ہوئے صرف دو رن تھے۔ دوسری اننگ میں لنکاشائر کے سیم گیندبازوں نے نارتھمپٹن ​​شائر کو174 رنوں پر آل آؤٹ کردیاتھا۔
جواب میں جوش بوہنن نے نمبر 3 سے 103 رنوں کی اننگ کھیلی لیکن 165 کے اسکور پر دوسے لنکا شائر چار وکٹ صرف 44 رن پر گنوا دئے۔ ایسے میں سندر ول ولیمز کے ساتھ بیٹنگ کرنے آئے اور دونوں کے درمیان اگلے 26.4 اووروں میں 69 رنوں کی ناقابل شکست شراکت نے ٹیم کو جیت دلائی۔ ٹیسٹ کرکٹ میں بلے سے اپنی مہارت کے لیے مشہور سندر نے 81 گیندوں کا سامنا کیا اور پانچ چوکے لگائے۔