لیفٹیننٹ گورنر کا اعلیٰ سطحی میٹنگ میں محکمہ صنعت و حرفت کی کارکردگی کا جائزہ

سرینگر//
لیفٹیننٹ گورنر منوج سنہا نے آج یہاں سول سیکرٹریٹ میں محکمہ صنعت و تجارت کے کام کاج کا جائزہ لینے کے لیے ایک میٹنگ کی صدارت کی۔
میٹنگ کے دوران لیفٹیننٹ گورنر نے سرمایہ کاری کی تجاویز کی موجودہ صورتحال، لینڈ بینک، انڈسٹریل اسٹیٹس، میڈی سٹیز پر کام کی پیشرفت، صنعت کے رہنماؤں کے ساتھ ایم او یوز، آن لائن خدمات وغیرہ کے بارے میں تفصیلی بریفنگ طلب کی۔
لیفٹیننٹ گورنر نے ڈائریکٹرز انڈسٹریز اینڈ کامرس ڈیپارٹمنٹ کو ہدایت کی کہ وہ چیمبر اور انڈسٹری کے نمائندوں کے ساتھ باقاعدگی سے میٹنگ کریں اور ان کے مسائل اور خدشات کا جائزہ لیں۔
چیف سکریٹری، جموں و کشمیر ہر تین ماہ بعد صنعت کے نمائندوں، چیمبرز سے ملاقات کریں گے تاکہ کاروبار کو درپیش مسائل اور چیلنجوں کو حل کیا جا سکے۔
قابل ذکر بات یہ ہے کہ لیفٹیننٹ گورنر نے ۲۵ جون کو سرینگر میں جموں و کشمیر بھر سے انڈسٹری لیڈروں اور مختلف انڈسٹریز ایسوسی ایشنز کے نمائندوں سے ملاقات کی اور اسی طرح کی بات چیت اگست کے پہلے ہفتے میں جموں میں بھی ہوگی۔
لیفٹیننٹ گورنر نے یو ٹی میں سرمایہ کاری کی تجاویز کو آسان بنانے کے عمل کو تیز کرنے کیلئے واضح ہدایات جاری کیں۔
سنہا نے عہدیداروں سے کہا کہ وہ پرائیویٹ انڈسٹریل اسٹیٹس کی ترقی پر توجہ مرکوز کریں تاکہ جموں و کشمیر میں صنعتی ترقی کو آسان بنایا جاسکے۔
لیفٹیننٹ گورنر نے یو ٹی میں میڈی سٹیز کی ترقی پر پیش رفت کی بھی کوشش کی، جس سے صحت کے شعبے کو تقویت ملے گی، تعلیمی نشستوں میں اضافہ ہو گا اور ہزاروں طبی پیشہ ور افراد کیلئے روزگار کے مواقع پیدا ہوں گے۔
لیفٹیننٹ گورنر نے مزید ان اقدامات کی نشاندہی کرنے پر زور دیا جو جموں و کشمیر کی کاروبار کرنے میں آسانی کی درجہ بندی کو بہتر بنانے کیلئے اٹھائے جا سکتے ہیں۔