ایجنسیز
نئی دہلی؍۹مئی
لیفٹیننٹ جنرل این ایس راجا سبرامنی (ریٹائرڈ) کو ہندوستان کا اگلا چیف آف ڈیفنس اسٹاف مقرر کیا گیا ہے اور ان کی بنیادی ذمہ داری فوجی تھیٹرائزیشن کے پرعزم منصوبے کو نافذ کرنا اور تینوں افواج کے درمیان باہمی اشتراک کو مضبوط بنانا ہوگی۔
وہ جنرل انیل چوہان کی جگہ لیں گے، جو۳۰مئی کو ملک کے سینئر ترین فوجی کمانڈر کے طور پر اپنی مدتِ کار مکمل کر رہے ہیں۔
لیفٹیننٹ جنرل سبرامنی، جو پاکستان اور چین کے امور کے ماہر کے طور پر وسیع پیمانے پر جانے جاتے ہیں، اس وقت نیشنل سکیورٹی کونسل سیکریٹریٹ (این ایس سی ایس) میں ملٹری ایڈوائزر کے طور پر خدمات انجام دے رہے ہیں۔
