کشمیر میں۲۰سے۲۴جولائی تک بارشوں کا امکان:محکمہ موسمیات

سرینگر/۱۹جولائی
وادی کشمیر میں خشک موسم کے بیچ محکمہ موسمیات نے بارشوں کی پیش گوئی کر دی ہے ۔
متعلقہ محکمے کے ایک ترجمان کے مطابق وادی میں اگلے چوبیس گھنٹوں کے دوران کہیں کہیں ہلکے درجے کی بارشوں کا امکان ہے ۔
ترجمان نے کہا کہ بعد ازاں وادی میں۲۰سے۲۴جولائی تک موسلا دھار بارشیں ہوسکتی ہیں۔
ادھر وادی میں شبانہ درجہ حرارت میں ایک بار پھر بتدریج اضافہ درج ہو رہا ہے جس کے باعث درجہ حرارت معمول سے زیادہ ریکارڈ ہو رہا ہے ۔
دارلحکومت سری نگر میں کم سے کم درجہ حرارت۲۰ئ۶ڈگری سینٹی گریڈ ریکارڈ کیا گیا جو معمول سے۲ئ۲ڈگری سینٹی گریڈ زیادہ ریکارڈ ہوا تھا۔
سیاحتی مقام گلمرگ میں کم سے کم درجہ حرارت۱۳ئ۵ڈگری سینٹی گریڈ ریکارڈ کیا گیا جو معمول سے۴ئ۱ڈگری سینٹی گریڈ زیادہ ریکارڈ ہوا تھا۔
وادی کے دوسرے مشہور سیاحتی مقام پہلگام میں کم سے کم درجہ حرارت۱۵ئ۸ڈگری سینٹی گریڈ ریکارڈ کیا گیا جو معمول سے۳ئ۳ڈگری سینٹی گریڈ زیادہ ریکارڈ ہوا تھا۔
شمالی ضلع کپوارہ میں کم سے کم درجہ حرارت۱۷ئ۸ڈگری سینٹی گریڈ ریکارڈ کیا گیا جو معمول سے۸ئ۰ڈگری سینٹی گریڈ زیادہ ریکارڈ ہوا تھا۔
گیٹ وے آف کشمیر کے نام سے مشہور قصبہ قاضی گنڈ میں کم سے کم درجہ حرارت۱۸ئ۴ڈگری سینٹی گریڈ ریکارڈ کیا گیا جو معمول سے۱ئ۷ڈگری سینٹی گریڈ زیادہ ریکارڈ ہوا تھا۔