امریکہ واحد سپر پاور ثابت 

ٹرمپ صاحب کے بارے میں آپ کیا رائے رکھتے ہیں ‘ ہمیں اس سے کوئی غرض ‘ کوئی مطلب نہیں ہے………بالکل بھی نہیں ہے ۔ آپ انہیں اچھا یا برا کچھ بھی سمجھ سکتے ہیں………کامیاب اور ناکام صدر بھی ………اس سب سے ہمیں کچھ لینا دینا نہیں ہے……… بالکل بھی نہیں ہے ۔ لیکن……… لیکن ایک بات جس سے ہمیں مطلب اور غرض بھی وہ یہ ہے کہ ٹرمپ صاحب نے ثابت کردیا ………اس بات، اس حقیقت پر مہر تصدیق ثبت کردی کہ ………کہ امریکہ دنیا کی واحد سپر پاور ہے………یہ پہلی اور آخری سپر پاور ہے………اس کے علاوہ جو بھی سپر پاور ہونے دعویٰ کرتا ہے ‘وہ جھوٹا ہے ………وہ خود سے بھی جھوٹ بول رہا ہے اور………اور دنیا سے بھی کہ……… کہ ہمارا جاننا اور ماننا ہے کہ ٹرمپ صاحب نے جب سے اپنی دوسری باری کھیلنا شروع کردی ‘یہ جو چاہتے ہیں ………کر گزرتے ہیں………صحیح یا غلط‘اچھا یا برا اس سب سے انہیں کوئی غرض نہیں ہے……… کوئی سروکار نہیں ہے………انہیں اگر کسی سے مطلب ہے تو وہ اس ایک بات سے ہے کہ ……… کہ یہ جو چاہتے ہیں وہ ہونا چاہئے ………اور وہ ہو جاتا ہے ۔مجال کہ کوئی ان کے راستے میں کھڑا ہو ‘ کوئی انہیں چیلنج کرے ………کسی میں اتنا دم نہیں ہے کہ وہ انہیں کہے کہ صاحب آپ یہ کیا کررہے ہیں ……… آپ نے ایک آزاد اور خود مختار ملک کے صدر اور ان کی بیوی کو اغوا کیا ………انہیں اپنے ملک لایا اور یہاں ہتھکڑیاں پہنا کر مجرموں کی طرح عدالت میں پیش کیا………کسی بھی ملک میں ٹرمپ صاحب سے یہ  پوچھنے کی ہمت ہے اور نہ جرأت………ان ممالک میں بھی نہیں جو اب تک سپر پاور ہونے کے ذَعم میں مبتلا تھے ………ان کو بھی سانپ سونگھ گیا ……… وہ بھی بھیگی بلیاں بن گئیں اور………اور اپنے لب سی لئے کہ انہیں ڈر ہے………انہیں خوف ہے کہ کہیں اگلا نشانہ وہ تو نہیں ہوں گے………کہیں اگلا نمبر‘ اگلی باری ان کی تو نہیں اور ٹرمپ صاحب انہیں بھی اپنےمحلوں سے اغوا کرکے اپنے ملک پہنچا دیں ………اس لئے وہ خاموش ہیں………اور ان کی یہ خاموشی ………ٹرمپ صاحب کی خاموش تائید نہیں ……… بالکل بھی نہیں ہے ‘بلکہ اس بات کا ………اس حقیقت کا برملا اعتراف ہے کہ………کہ کوئی سپر پاور نہیں ہے ،سوائے امریکہ ………ٹرمپ صاحب کے امریکہ کے ۔ٹرمپ صاحب !امریکہ کو دنیا کا واحد سپر پاور ثابت کرنے پر ہم آپ کو مبارکباد دیتے ہیں………ہماری مبارکباد قبول کیجئے اور………اور باقی چوڑیاں قبول کریں جو خود کوبھی سپر پاور مانتے تھے ……… لیکن ہیں نہیں ‘بالکل بھی نہیں ہیں ۔ ہے نا؟