’۲۰جنوری تک موسم مجموعی طور پر خشک رہنے کا امکان‘

سرینگر: محکمہ موسمیات کی پیش گوئی کے مطابق وادی کشمیر میں اگلے۲۴گھنٹوں کے دوران موسم بر آلود رہ سکتا ہے اور اس دوران شمالی اور وسطی کشمیر کے بالائی علاقوں میں کہیں کہیں ہلکی برف بار کا امکان ہے ۔
محکمہ کے ایک ترجمان نے کہا کہ وادی میں۱۰جنوری تک شبانہ درجہ حرارت میں۲سے۳ ڈگری سیٹی گریڈ کی گراوٹ درج ہوسکتی ہے جس کے بعد اس میں بہتری متوقع ہے ۔
ترجمان نے بتایا کہ وادی میں۵؍اور۶ جنوری کو موسم جزوی سے مجموعی طور پر ابر آلود رہ سکتا ہے اور اس دوران شمالی اور وسطی کشمیر کے بالائی علاقوں میں کہیں کہیں ہلکی برف بار کا امکان ہے ۔
انہوں نے کہا کہ بعد میں۷سے۱۵جنوری تک موسم جزوی طور پر ابر آلود رہ سکتا ہے اور۱۶سے۱۸جنوری تک بھی موسم کی یہی صورتحال رہنے کی توقع ہے ۔
ان کا کہنا ہے کہ بعد ازاں وادی میں۱۹ا؍ور۲۰جنوری کو موسم مجموعی طور پر ابر آلود رہ سکتا ہے ۔انہوں نے کہا کہ وادی میں۲۰جنوری تک موسم کی کسی بڑی تبدیلی کا کوئی امکان نہیں ہے ۔
محکمے نے اپنی ایڈوائزری میں کہا کہ وادی میں ۱۰نومبر تک شبانہ درجہ حرارت میں۲سے۳ڈگری سیٹی گریڈ کی گراوٹ درج ہوسکتی ہے جس کے بعد اس میں بہتری متوقع ہے ۔
ترجمان نے کہا کہ جموں صوبے کے میدانی علاقوں میں اگلے دو دنوں کے دوران درمیانی درجے کی دھند چھائی رہ سکتی ہے ۔
دریں اثنا وادی میں پیر کو موسم جزوی طور پر ابر آلود مگر خشک رہا۔
اس دوران سیاحتی مقام گلمرگ میں شبانہ درجہ حرارت منفی 8.8 ڈگری سینٹی گریڈ درج ہو کر رواں سیزن کی سرد ترین رات ریکارڈ ہوئی ہے ۔
کشمیر ویدر کے مطابق گرمائی دارلحکومت سری نگر میں کم سے کم درجہ حرارت منفی3.6 ڈگری سینٹی گریڈ ریکارڈ ہوا ہے جہاں۲۸نومبر کو شبانہ درجہ حرارت منفی4.5 ڈگری سینٹی گریڈ ریکارڈ ہوکر رواں سیزن کی سرد ترین رات درج ہوئی تھی۔
وادی کے دوسرے مشہور سیاحتی پہلگام میں کم سے کم درجہ حرارت منفی4.8 ڈگری سینٹی گریڈ ریکارڈ ہوا ہے ۔
شمالی ضلع کپوارہ میں کم سے کم درجہ حرارت منفی1.8 ڈگری سینٹی گرڈ جبکہ گیٹ وے آف کشمیر کے نام سے مشہور قصبہ قاضی گنڈ میں شبانہ درجہ حرارت منفی2.0 ڈگری سینٹی گریڈ ریکارڈ ہوا ہے ۔
جنوبی کشمیر کے ضلع شوپیاں میں شبانہ درجہ حرارت منفی5.6 ڈگری سینٹی گریڈ جبکہ اننت ناگ اور پلوامہ اضلاع میں کم سے کم درجہ حرارت بالترتیب منفی3.2 ڈگری سینٹی گریڈ اور منفی4.2 ڈگری سینٹی گریڈ ریکارڈ ہوا ہے ۔
شمالی کشمیر کے بارہمولہ اور بانڈی پورہ اضلاع میں شبانہ درجہ حرارت بالترتیب منفی0.7 ڈگری سینٹی گریڈ اور منفی1.3 ڈگری سینٹی گریڈ جبکہ وسطی کشمیر کے ضلع بڈگام میں کم سے کم درجہ حرارت منفی3.5 ڈگری سینٹی گریڈ ریکارڈ ہوا ہے ۔
لداخ یونین ٹریٹری لیہہ اور کرگل اضلاع میں شبانہ درجہ حرارت بالترتیب منفی9.6 ڈگری سینٹی گریڈ اور منفی8.4 ڈگری سینٹی گریڈ ریکارڈ ہوا ہے ۔