بارہمولہ میں پتھر کی کھدائی کی غیر قانونی سرگرمیاں‘ایف آئی آر درج

بارہمولہ پولیس نے۱۹دسمبرکو خانہ پورہ میں پتھر کی غیر قانونی کھدائی کی وجہ سے پیش آنے والے لینڈ سلائیڈنگ کے واقعہ پر ایک کیس درج کیا ہے ۔
ایک پولیس ترجمان نے کہا کہ بارہمولہ پولیس نے ۱۹دسمبر۲۰۲۵کو خانہ پورہ میں پتھر کی غیر قانونی کھدائی کی وجہ سے پیش آنے والے لینڈ سلائیڈنگ کے واقعہ پر ایک کیس درج کیا ہے ۔
ترجمان نے کہا کہ اس واقعہ سے جان و مال کو شدید خطرہ لاحق ہو گیا ہے ۔
ان کا کہنا ہے کہ اس ضمن میں پولیس اسٹیشن بارہمولہ میں متعلقہ دفعات کے تحت زیر ایف آئی آر نمبر۲۰۲۵/۲۱۹ایک مقدمہ درج کیا گیا اور مزید تحقیقات شروع کی گئیں۔
پولیس ترجمان نے بتایا کہ بارہمولہ پولیس عوام کی حفاظت کو یقینی بنانے کیلئے پرعزم ہے اور غیر قانونی سرگرمیوں میں ملوث پائے جانے والوں کے خلاف سخت کارروائی کرے گی۔