وادی میں ۲۰ ؍ اور جموں صوبے میں مزید ۶۴ کورونا کے مثبت معاملات سامنے آئے

سرینگر//
جموں کشمیر میں پچھلے چوبیس گھنٹوں کے دوران کورونا وائرس کے۸۴نئے معاملات سامنے آئے ہیںجن میں ۲۰کاکشمیر اور۶۴ کا تعلق جموں صوبہ سے ہے۔
ایک سرکاری بیان میں کہا گیا ہے کہ اِس طرح مثبت معاملات کی کل تعداد۴لاکھ۵۵ہزار۳۹۱تک پہنچ گئی ہے‘جن میں سے۵۹۴(صوبہ جموں میں ۴۰۳؍اور کشمیر صوبے میں۱۹۱)سر گرم معاملات ہیں۔اَب تک۴لاکھ۵۰ہزار۵۷؍اَفراد صحت یاب ہوئے ہیں ۔
بیان کے مطابق پچھلے چوبیس گھنٹوں کے دوران آج ضلع وار کووِڈمثبت معاملات کی رِپورٹ فراہم کرتے ہوئے ضلع کولگام میں ایک،ضلع بارہمولہ میں بھی ایک اورضلع سرینگر میں۱۸ نئے معاملے درج کئے گئے ہیں۔شوپیاں ‘ کپواڑہ ،اسلام آباد، بڈگام ،پلوامہ ، بانڈی پورہ اور گاندربل اضلاع سے مثبت معاملات کی کوئی رِپورٹ نہیں ہے۔
اِسی طرح ضلع رام بن میں ایک،ضلع سانبہ میں ۳،ضلع اودھمپور میں۵،ضلع کٹھوعہ میں۱۰؍اورضلع جموںمیں۴۵ نئے مثبت معاملے سامنے آئے ہیں۔ راجوری ،پونچھ، کشتواڑ، ڈوڈہ اوررِیاسی اضلاع سے کسی مثبت معاملے کی کوئی رِپورٹ نہیں آئی ہے۔
بیان میں کہا گیا ہے کہ گزشتہ ۲۴ گھنٹوں کے دوران دونوں صوبوں میں کورونا سے کوئی نئی موت درج نہیں ہو ئی ہے ۔اب تک جموں وکشمیر میں کوروناوائرس سے مرنے والوں کی مجموعی تعداد۴۷۵۷تک پہنچ گئی ،جن میں سے ۲۴۲۵کا کشمیر اور۲۳۳۲کاتعلق جموں صوبہ سے ہے۔
اِسی دوران آج مزید۶۷؍اَفراد شفایاب ہوئے ہیںجن میں۲۰کاصوبہ کشمیر اور۴۷کا تعلق جموں صوبہ سے ہے۔