ڈیوڈ ملر، جیرالڈ کوئیٹزی پاکستان کیخلاف ٹی20 سیریز سے باہر

ڈربن 24 اکتوبر (یو این آئی)
پاکستان کے خلاف وائٹ بال سیریز سے قبل جنوبی افریقہ کی ٹیم کو دھچکا لگا ہے، پروٹیز ٹی ٹوئنٹی ٹیم کے کپتان ڈیوڈ ملر اور فاسٹ بولر جیرالڈ کوئیٹزی سیریز سے باہر ہوگئے۔ کرکٹ ساؤتھ افریقہ کے مطابق ڈیوڈ ملر کو ہیمسٹرنگ اور جیرالڈ کوئیٹزی کو مسل انجری ہوئی ہے۔ افریقی ٹیم منیجمنٹ کے مطابق ٹی ٹوئنٹی اسکواڈ میں دونوں کھلاڑیوں کی جگہ میتھیو بریٹز کی اور ٹونی ڈی زورزی شامل ہوں گے۔ کپتان ڈیوڈ ملر کی جگہ ڈونوون فریرا جنوبی افریقی ٹیم کی قیادت کریں گے۔ اوٹنیل بارٹمین کو جیرالڈ کوئیٹزی کی جگہ ون ڈے اسکواڈ میں شامل کیا گیا ہے۔ واضح رہے کہ پاکستان اور جنوبی افریقہ کے درمیان 3 ٹی ٹوئنٹی میچز کی سیریز کا پہلا میچ 28 نومبر کو کھیلا جائے گا۔