افغانستان کی دستبرداری کے سہ فریقی سیریز میں زمبابوے کی شمولیت متوقع

افغانستان کی دستبرداری کے سہ فریقی سیریز میں زمبابوے کی شمولیت متوق
لاہور، 18 اکتوبر (یواین آئی) افغانستان کی جانب سے پاکستان میں شیڈول سہ فریقی سیریز سے دستبرداری کے بعد پاکستان کرکٹ بورڈ (پی سی بی) نے فوری طور پر متبادل کے طور پر زمبابوے کرکٹ بورڈ سے رابطہ کر لیا ہے۔
ذرائع کے مطابق اب نومبر 2025 میں ہونے والی ٹرائی سیریز پاکستان، سری لنکا اور زمبابوے کے درمیان کھیلے جانے کا امکان ہے، جبکہ نئے شیڈول کا اعلان جلد متوقع ہے۔
ذرائع کے مطابق، پی سی بی نے فوری طور پر زمبابوے کو سہ فریقی سیریز میں شامل کرنے کی پیشکش کی ہے، اور ابتدائی سطح پر دونوں بورڈز کے درمیان مثبت رابطہ ہوا ہے۔ اگر معاملات طے پا جاتے ہیں تو اب یہ ٹرائی سیریز پاکستان، سری لنکا اور زمبابوے کے درمیان کھیلی جائے گی۔
یہ سہ فریقی سیریز نومبر 2025 میں پاکستان میں شیڈول ہے، اور ذرائع کے مطابق نئے شیڈول اور وینیو کی تفصیلات آئندہ چند روز میں جاری کیے جانے کا امکان ہے۔
یاد رہے کہ افغانستان کرکٹ بورڈ (اے سی بی) نے حال ہی میں اعلان کیا تھا کہ وہ نومبر میں پاکستان میں ہونے والی سہ فریقی سیریز میں شرکت نہیں کرے گا
افغانستان کے اس فیصلے کے بعد پاکستان کرکٹ بورڈ کے ترجمان نے واضح کیا کہ سہ فریقی سیریز اپنے شیڈول کے مطابق ہی ہوگی۔