تنوی شرما فائنل میں — سونے کے تمغے سے ایک قدم دور

گوہاٹی، 18 اکتوبر (یو این آئی) — ہندوستان کی نوجوان بیڈمنٹن کھلاڑی تنوی شرما نے یہاں منعقدہ یونیکس سن رائز بی ڈبلیو ایف ورلڈ جونیئر چیمپئن شپ 2025 کے فائنل میں شاندار کارکردگی کے ساتھ جگہ بنالی۔
16 سالہ تنوی شرما اپرنا پوپٹ اور سابق عالمی نمبر ایک سائنا نہوال کے بعد عالمی جونیئر چیمپئن شپ کے فائنل میں پہنچنے والی صرف تیسری ہندوستانی خاتون کھلاڑی بن گئی ہیں۔ انہوں نے چین کی لیو سی یا کو صرف 30 منٹ سے بھی کم وقت میں 15-11، 15-9 سے شکست دی۔
ٹاپ سیڈ ہندوستانی کا مقابلہ اب دوسری سیڈ تھائی لینڈ کے انیاپٹ فچیت پریچاسک سے ہوگا، جنہوں نے دوسرے سیمی فائنل میں ہم وطن یتاومین کیٹکلینگ کو 10-15، 15-11، 15-5 سے شکست دی۔
تنوی نے میچ کے بعد کہا، "آج میں بہت پُرسکون تھی اور اپنے کھیل سے بہت خوش ہوں۔ دوسرے گیم میں کچھ غلطیاں ہوئیں لیکن کوچ کی ہدایت پر اپنی حکمتِ عملی بدلی، جو کامیاب رہی۔”
اس سے پہلے، لڑکوں کے سنگلز میں محمد زکی عبیداللہ نے بھی چین کے لی زی ہینگ کو 14-16، 16-14، 15-12 سے شکست دے کر فائنل میں جگہ بنالی۔