ریلوے اور انڈین آئل کے درمیان ٹائٹل کے لئےٹکراؤ

نئی دہلی، 3 اکتوبر (یو این آئی ) سینئر ویمنز انٹر ڈپارٹمنٹل نیشنل چمپئن شپ کے فائنل میں ریلوے اسپورٹس پروموشن بورڈ اور انڈین آئل کارپوریشن لمیٹڈ کے درمیان ٹائٹل کے لئےٹکراؤ ہوگا۔
آج یہاں شیواجی اسٹیڈیم میں 5ویں ہاکی انڈیا سینئر ویمنز انٹر ڈپارٹمنٹل نیشنل چمپئن شپ 2025 کے پہلے سیمی فائنل میچ میں ریلوے اسپورٹس پروموشن بورڈ نے اسپورٹس اتھارٹی آف انڈیا کو 3-1 سے شکست دی۔ لالریمسیامی (7ویں منٹ)، نونیت کور (39ویں منٹ) اور وندنا کٹاریہ (50ویں) نے فائنل میں ریلوے کے لیے گول اسکور کیے۔ گارلنکا وراہلما نے 53ویں منٹ میں اسپورٹس اتھارٹی آف انڈیا (SAI) کے لیے تسلی بخش گول کیا۔
دن کے دوسرے سیمی فائنل میچ میں انڈین آئل کارپوریشن لمیٹڈ (خواتین) نے سنٹرل بورڈ آف ڈائریکٹ ٹیکس (سی بی ڈی ٹی) کو 8-0 سے شکست دی۔ راجویندر کور نے دو مرتبہ (12ویں، 43ویں) جبکہ کپتان اڈیتا (40ویں)، ممتاز خان (49ویں)، شرمیلا دیوی (52ویں)، جیوتی (56ویں)، سیما (58ویں) اور سمن دیوی (60ویں) نے بھی ایک ایک گول کرکے ریلوے پروموشن بورڈ کے خلاف فائنل میں جگہ حاصل کی۔
اسپورٹس اتھارٹی آف انڈیا ہفتہ کو تیسرے/چوتھے مقام کے لیے سینٹرل بورڈ آف ڈائریکٹ ٹیکسز سے کھیلے گی، جبکہ ریلوے اسپورٹس پروموشن بورڈ دوپہر 12 بجے ٹائٹل کے لیے نو تشکیل شدہ انڈین آئل کارپوریشن لمیٹڈ سے مقابلہ کرے گا۔