نیوزی لینڈ اور آسٹریلیا کے درمیان دوسرا ٹی ٹونٹی کرکٹ میچ بارش کی نذر

ویلنگٹن03 اکتوبر(یو این آئی ) نیوزی لینڈ اور آسٹریلیا کی کرکٹ ٹیموں کے درمیان تین ٹی ٹونٹی میچوں پر مشتمل سیریز کا دوسرا میچ بارش کی نذر ہوگیا۔کرکٹ ویب سائٹ کے مطابق مہمان آسٹریلیا کی ٹیم کو میزبان کیوی ٹیم کے خلاف تین میچوں کی سیریز میں 0-1 کی برتری حاصل ہے۔ کینگروز نے پہلے ٹی ٹونٹی میچ میں میزبان کیوی ٹیم کو 6 وکٹوں سے شکست دی تھی۔
جمعہ کو بے اوول، ماؤنٹ مونگانوئی کے مقام پر کھیلے جانے والے تین میچوں کی سیریز کے دوسرے ٹی ٹونٹی میچ میں نیوزی لینڈ ٹیم کے کپتان مائیکل بریسویل نے ٹاس جیت کر پہلے فیلڈنگ کا فیصلہ کیا تاہم نیوزی لینڈ اور آسٹریلیا کے درمیان میچ میں بارش کی وجہ سے صرف 13 گیندیں ہی پھینکی جا سکیں، اور مسلسل بارش کے باعث میچ منسوخ ہو گیا۔
آسٹریلوی ٹیم نے اپنے نیوزی لینڈ کے دورے کے دوران 3ٹی ٹونٹی بین الاقوامی میچوں کی سیریز کھیلنی ہے جس کا ایک میچ کھیلاجا چکا ہے جبکہ دوسرا میچ بارش کی نذر ہوگیا ۔
آسٹریلوی ٹیم کی قیادت مچل مارش لیڈ کر رہے ہیں جبکہ نیوزی لینڈ کی ٹیم کو مائیکل بریسویل لیڈ کر رہے ہیں۔ دونوں ٹیموں کے درمیان تیسرا اور آخری ٹی ٹونٹی میچ 4 اکتوبر کو بے اوول، ماؤنٹ مونگانوئی میں کھیلا جائے گا۔3ٹی ٹونٹی بین الاقوامی میچوں کی سیریز کے تمام میچز نائٹ ہوں گے اور فلڈ لائٹس کی روشنی میں بے اوول، ماؤنٹ مونگانوئی میں ہی کھیلے جائیں گے ۔