اے ایف سی فٹسال ایشین کپ میں ہندوستان کو آسٹریلیا سے شکست

اردیہ (کویت)، 23 ستمبر (یو این آئی) ہندوستان کو قشین المطیری ہال میں اے ایف سی فٹسال ایشین کپ 2026 کوالیفائر کے اپنے دوسرے گروپ اے میچ میں آسٹریلیا کے ہاتھوں 1-10 سے بد ترین شکست کا سامنا کرنا پڑا۔
ہندوستان پہلے ہاف کے اختتام پر 1-6 سے پیچھے تھا۔ فٹسال ٹائیگرز نے عالمی درجہ بندی کے 53 ویں نمبر والے آسٹریلیا کے مقابلے میں سست آغاز کیا، جس نے کک آف کے پانچ منٹ کے اندر ہی قابو پالیا۔
اس نتیجے نے جہاں ہندوستان کو مشکل میں ڈال دیا ہے وہیں وہ ابھی اس دوڑ سے باہر نہیں ہے۔ کویت اور منگولیا کے درمیان آج رات ہونے والے میچ میں فٹسال ٹائیگرز کی قسمت توازن میں ہے۔ کویت کے لیے ڈرا یا جیت ہندوستان کو باضابطہ طور پر کوالیفائر سے باہر کر دے گی۔
تاہم، ہندوستان کی توجہ اب 24 ستمبر کو منگولیا کے خلاف اپنے آخری گروپ میچ پر مرکوز ہے، جس کا مقصد ان کی پہلی بین الاقوامی فٹسال جیت ہے۔