غزہ میں انٹرنیٹ اور فون سروس بند، شہر میں اسرائیلی ٹینک داخل

فلسطینی علاقے غزہ کی پٹی میں انٹرنیٹ اور ٹیلیفون سروس کو مکمل طور پر معطل کردیا گیا ہے ۔
غیر ملکی خبر رساں ایجنسی روئٹرز کے مطابق اسرائیلی فوج کی زمینی کارروائی میں تیزی آگئی ہے جبکہ جمعرات کو فلسطینی علاقے غزہ کی پٹی میں انٹرنیٹ اور ٹیلیفون سروس کو مکمل طور پر بند کردیا گیا ہے ۔
عرب نیوز کے مطابق غزہ شہر کے ایک رہائشی نے بتایا کہ وہ ای سم کے ذریعے رابطے میں ہیں اور ‘انٹرنیٹ اور فون سروس بند کردیا گیا ہے اور یہ اس بات کا اشارہ ہے کہ اب کچھ بہت ہی زیادہ سفاکانہ ہونے جا رہا ہے ۔’
انہوں نے بتایا کہ ‘میرے اردگرد صورتحال انتہائی خراب ہے ، ٹینٹ اور گھروں میں بھی لوگوں کو زیادہ پریشانی کا سامنا ہے بہت سے لوگ شہر چھوڑںے کی استطاعت ہی نہیں رکھتے ، لیکن بہت سے ایسے بھی ہیں جو شہر چھوڑنا ہی نہیں چاہتے ۔’
فلسطین کی ٹیلی کام کمپنی نے کہا ہے کہ علاقے میں مرکزی نیٹ ورک کی لائن کو ہدف بنایا گیا ہے کبلپ غزہ کے مقامی محکمہ صحت نے کہا ہے کہ جمعرات کو علاقے میں کم از کم 14 فلسطینی شہری اسرائیل کے حملوں یا فوج کی فائرنگ سے شہید ہو گئے ہیں۔
فلسطینی وزارت صحت کے مطابق گزشتہ 24 گھنٹوں کے دوران غزہ کی پٹی میں اسرائیلی حملوں یا فائرنگ سے کم از کم 85 فلسطینی شہید ہو چکے ہیں، جن میں سے زیادہ تر غزہ کے شہری ہیں