منامہ، 17 نومبر (یواین آئی): بحرین ڈیفنس فورس کی جنرل کمان نے منگل کو اعلان کیا کہ ملک کے فضائی دفاعی نظاموں نے متعدد ایرانی فضائی حملوں کو ان کے اہداف تک پہنچنے سے پہلے ہی روک کر تباہ کر دیا۔
جنرل کمان نے اپنے بیان میں کہا کہ بحرین کی فوجی قوتیں مملکت کے امن اور اس کی سرزمین کی سلامتی کو لاحق ہر خطرے کا مقابلہ کرنے کے لیے پوری طرح تیار ہیں۔ بیان میں ایران پر الزام عائد کیا گیا کہ وہ منظم معاندانہ طرزِ عمل کے تحت بحرین کو فضائی حملوں کا نشانہ بنا رہا ہے۔
کمان کے مطابق فوج کی اعلیٰ جنگی تیاری کے باعث فضائی دفاعی نظام حملوں کو روکنے اور انہیں اہداف تک پہنچنے سے پہلے تباہ کرنے میں کامیاب رہے۔ اس نے تصدیق کی کہ بحرین ڈیفنس فورس کے تمام ہتھیار اور یونٹ اعلیٰ ترین سطح کی تیاری اور دفاعی چوکس حالت میں ہیں، تاکہ مملکت کا تحفظ یقینی بنایا جا سکے اور کسی بھی ممکنہ فضائی خطرے کا مؤثر مقابلہ کیا جا سکے۔








