فوزو، 05 ستمبر (یو این آئی ) منتظمین نے جمعہ کے روز اعلان کیا کہ 2025 ایشیائی بیس بال چیمپئن شپ جنوب مشرقی چین کے صوبہ فوجیان کے پنگٹن میں 22 سے 28 ستمبر تک منعقد کی جائے گی، جس میں آٹھ ٹیمیں حصہ لیں گی۔
اس چیمپئن شپ میں جاپان، جنوبی کوریا، چینی تائی پے، فلپائن، ہانگ کانگ، پاکستان، فلسطین اور میزبان چین شامل ہوں گے۔
بیس مرتبہ کی فاتح جاپان، 2023 کی سیمی فائنلسٹ جنوبی کوریا اور 2019 کی فاتح و 2023 کی رنر اپ چینی تائی پے اس سال کی چیمپئن شپ میں مضبوط دعوے دار ہیں۔ اس ٹورنامنٹ کی فاتح ٹیم 2026 میں ہونے والے انڈر-23 بیس بال ورلڈ کپ کے لیے کوالیفائی کرے گی۔
