اختلافات کو طاقت سے طے کرنا درست نہیں :شی جن پنگ

چین کے صدر شی جن پنگ نے شنگھائی کانفرنس میں شرکت کرنے والے ایرانی صدر مسعود پیزشکیان سے منگل کے روز ملاقات کی اور چین کی طرف سے ان کے سول جوہری توانائی کے حق کی حمایت کا اعلان کیا۔ صدر شی نے یہ بھی کہا اختلافات کو طاقت سے طے کرنا درست نہیں ہے ۔ صدر شی کی یہ گفتگو چین کے سرکاری ذرائع ابلاغ نے جاری کی ہے ۔
چینی صدر نے کہا طاقت کا استعمال کر کے اختلافات کو طے کرنا درست راستہ نہیں۔ رابطوں اور مکالمے سے صحیح راستے تک پہنچنے کی کوشش کرنی چاہیے تاکہ امن قائم ہو سکے ۔
بیجنگ میں سرکاری طور پر جاری کیے گئے ریڈ آؤٹ میں اس ملاقات کے دوران ہونے والی گفتگو کو حصہ بنایا گیا ہے ۔
چین کے صدر نے مزید کہا کہ چین ایران کے اس حق کا احترام کرتا ہے کہ وہ بھی سول جوہری توانائی کے پر امن استعمال کے حق کی حمایت کرتا ہے ۔نیز یہ کہ وہ ایرانی جوہری پروگرام کے حل کی کوششوں کی بھی حمایت کرتے ہیں۔
خیال رہے چین ایران کا قریبی شراکت دار ہونے کے ساتھ ساتھ سب سے بڑا تجارتی شراکت دار بھی ہے ۔ وہ اس سے پہلے یہ اعلان کر چکا ہے کہ ایران کے خلاف فرانس، برطانیہ اور جرمنی کی طرف سے لگائی جنے والی پابندیوں کی مخالفت کرے گا۔