کورونا وائرس کے ۶۷ نئے معاملات درج

جموں//
جموں کشمیر میں کورونا وائرس۶۷نئے معاملات سامنے آئے ہیںجن میں ۲۰کشمیراور۴۷ کا تعلق جموں صوبہ سے ہے۔
اِس طرح مثبت معاملات کی کل تعداد۴لاکھ۵۴ہزار۸۶۵تک پہنچ گئی ہے‘ جن میں سے۳۵۹(صوبہ جموں میں۲۴۰؍اور کشمیر صوبے میں۱۱۹)سر گرم معاملات ہیں۔اَب تک۴لاکھ۴۹ہزار۷۵۰؍اَفراد صحت یاب ہوئے ہیں ۔
بیان کے مطابق پچھلے چوبیس گھنٹوں کے دوران ضلع بارہمولہ میں۴؍اورضلع سرینگر میں۱۶ نئے معاملے درج کئے گئے ہیں۔کولگام ‘اسلام آباد‘ پلوامہ‘کپواڑہ‘ بڈگام‘بارہمولہ ، بانڈی پور ہ،گاندربل اورشوپیان اضلاع سے مثبت معاملات کی کوئی رِپورٹ نہیں ہے۔
اِسی طرح ضلع کشتواڑ میں۲‘ضلع اودھمپورمیں بھی۲، ضلع کٹھوعہ میں ایک اورضلع جموںمیں۴۰ نئے مثبت معاملے سامنے آئے ہیں۔ ڈوڈہ ،سانبہ ، راجوری ، پونچھ، رام بن اوررِیاسی اضلاع سے کسی مثبت معاملے کی کوئی رِپورٹ نہیں آئی ہے۔
اِسی دوران آج مزید۲۹؍اَفراد شفایاب ہوئے ہیںجن میں۱۰صوبہ کشمیر اور۱۹ کا تعلق جموں صوبہ سے ہیں۔
بیان میں کہا گیا ہے کہ گزشتہ ۲۴ گھنٹوں کے دوران دونوں صوبوں میں کورونا وائر س سے کوئی تازہ موت درج نہیں ہو ئی ہے ۔اب تک جموں وکشمیر میں کوروناوائرس سے مرنے والوں کی مجموعی تعداد۴۷۵۶تک پہنچ گئی ،جن میں سے۲۴۲۵کا کشمیر اور۲۳۳۱کاتعلق جموں صوبہ سے ہے۔