چنئی ،25 اگست (یو این آئی ) روہت یادو نے بین ریاستی ایتھلیٹکس چمپئن شپ 2025 میں 83.65 میٹر کی انفرادی بہترین تھرو کے ساتھ مردوں کا جیولن تھرو ٹائٹل جیتا۔ مرلی سری شنکر نے 8.06 کی چھلانگ لگا کر لانگ جمپ کا ٹائٹل جیتا۔ انہوں نے اس سیزن میں اپنے تمام ایونٹ جیت لیے۔ تاہم، وہ اگلے ماہ ٹوکیو میں منعقد ہونے والی عالمی ایتھلیٹکس چیمپئن شپ کے لیے مردوں کی لانگ جمپ کے لیے 8.27 میٹر کے کوالیفائنگ نمبر سے محروم رہے۔ ایس لوکیش (7.71 میٹر) اور سوامی ناتھن آر (7.70 میٹر) نے بالترتیب چاندی اور کانسی کا تمغہ جیتا ہے۔
8.41 میٹر کا قومی ریکارڈ رکھنے والے سری شنکر نے اپنے کیریئر میں پانچ بار 8.27 میٹر چھلانگ لگائی ہے۔ ٹوکیو 25 کے لیے زیادہ تر کوالیفکیشن ونڈو سے محروم ہونے کے بعد، سری شنکر کے لیے رینکنگ کے ذریعے آئندہ عالمی ایونٹ کے لیے کوالیفائی کرنا مشکل ہو سکتا ہے۔ کوالیفائیڈ کھلاڑیوں کی حتمی فہرست کا اعلان 27 اگست کو کیا جائے گا۔
مردوں کے جیولین تھرو ایونٹ میں روہت یادو 83.65 میٹر کے انفرادی بہترین اسکور کے ساتھ سرفہرست رہے۔ سچن یادو (83.20 میٹر) دوسرے اور شیوم لوہاکرے (80.20 میٹر) تیسرے نمبر پر رہے۔
روڈ ٹو ٹوکیو 25 میں 57 ویں نمبر پر رہنے والے روہت کو ورلڈ چمپئن شپ کے لیے کوالیفائی کرنے کے لیے 85.50 میٹر کا اسٹینڈر کو عبور کرنا تھا۔ دفاعی عالمی چیمپئن نیرج چوپڑا کی ٹوکیو میں جگہ کی تصدیق کے ساتھ توقع ہے کہ ہندوستان ٹوکیو میں کم از کم تین تھرورز کو میدان میں اتارنے کی امید یے ۔ سچن یادو (22 ویں) اور یشویر سنگھ (30 ویں) اس وقت کٹ آف رینکنگ میں ہیں۔ یشویر سنگھ نے انٹر اسٹیٹ چمپئن شپ میں 76.22 میٹر پھینک کر چوتھا مقام حاصل کیا۔