یکم جولائی سے پہلے ہی گرمائی تعطیلات کا امکان ہے :ایتو

سرینگر//
وزیر تعلیم سکینہ ایتو نے جمعہ کو کہا کہ شدید گرمی کی لہر کے پیش نظر جولائی سے پہلے موسم گرما کی تعطیلات کا اعلان کرنے کا امکان ہے۔تاہم انہوں نے کہا ہے کہ اس بارے میں صلاح مشورہ کریں گے ۔
وزیر تعلیم نے بتایا سکولوں کے اوقات کار میں مزید تبدیلی لائی جارہی ہے جس کے مطابق اوقات کار میونسپل حدود میں۸سے ایک بجے‘ دہی علاقوں میں۳۰:۸سے۳۰:۱تک رہے گا ۔
صحافیوں سے بات کرتے ہوئے ایتو نے کہا کہ انہوں نے گرمی کی لہر کو دیکھتے ہوئے اسکولوں میں گرمائی تعطیلات کا منصوبہ یکم جولائی سے تیار کیا تھا انہوں نے کہا تاہم جس طرح گرمی کی شدت جاری ہے ۔
وزیر تعلیم نے کہا ہیٹ ویو جاری ہے۔ انہوں نے کہا ’’ہم موسم گرما کی ابتدائی چھٹیوں پر بھی بات کریں گے کیونکہ طلباء گرمی کی لہر کی وجہ سے پریشان ہیں‘‘۔انہوں نے کہا فوری طورسکولوں کے اوقات کار میونسپل حدود میں۸سے ایک بجے، دہی علاقوں میں۳۰:۸سے۳۰:۱ تک رہے گا۔
جمعرات کو، ایتو نے کہا تھا کہ یکم جولائی سے ۱۰ دن کی موسم گرما کی تعطیلات ہوں گی ۔انکاکہناتھا’’ہم موسمی حالات کے لحاظ سے وقفے کو بڑھا دیں گے۔‘‘
موسمیات کے ماہر کے مطابق، سرینگر میںجمعہ کو موسم کا گرم ترین دن ریکارڈ کیا اور پارہ۵ء۳۵ڈگری سینٹی گریڈ تک پہنچ گیا۔