سرینگرجموں قومی شاہرہ پر مال بر دار گاڑیوں کوآمدورفت کی اجازت

سرینگر//
وادی کشمیر کو ملک کے باقی حصوں کے ساتھ جوڑنے والی سرینگر،جموں قومی شاہراہ پر ٹریفک رواں دواں ہے تاہم آج یعنی بدھ کو مال بر دار گاڑیوں کو جموں سے سرینگر جانے کی اجازت ہے ۔
ٹریفک حکام نے بتایا’’قومی شاہراہ پر مسافر بر دار گاڑیوں کی دو طرفہ نقل وحمل جاری ہے تاہم مال بر دار گاڑیوں کو جموں سے سری نگر جانے کی اجازت ہے ‘‘۔
مسافروں سے کہا گیا کہ وہ لین ڈسپلن پر عمل کریں اور اوور ٹیکنگ سے پرہیز کریں۔
حکام نے کہا کہ جنوبی کشمیر کے ضلع شوپیاں کو صوبہ جموں کے پونچھ اور راجوری اضلاع کے ساتھ جوڑنے والے مغل روڈ اور وادی کو لداخ یونین ٹریٹری کے ساتھ جوڑنے والی سرینگر، لیہہ شاہراہ اور سنتھن روڈ پر روڈ ٹھیک کرنے والی ایجنسی کی طرف سے گرین سگنل ملنے کے بعد ٹریفک کو چلنے کی اجازت دی جائے گی۔