’کشمیر کو جلد ہی ہر موسم کا ریل رابطہ دستیاب ہو گا ‘

جموں//
ریلوے کی وزارت نے جمعرات کو کہا کہ دنیا کا سب سے اونچا ریل پل، جو جموں و کشمیر میں دریائے چناب پر تعمیر کیا جا رہا ہے، جلد ہی کشمیر تک ہر موسم کا ریل رابطہ لائے گا۔
ریلوے کی وزارت نے اپنے سرکاری ٹویٹر ہینڈل پر کہا’’یہ پل کشمیر اور بقیہ ملک کے درمیان انتہائی ضروری ہر موسمی رابطہ فراہم کرے گا۔ ’’ڈیک لانچنگ کی ۸۸ فیصد تکمیل کے ساتھ، چناب پل جلد ہی کشمیر تک ہر موسم کے لیے ریل رابطہ لائے گا‘‘۔
قابل ذکر بات یہ ہے کہ ادھم پور،سرینگر،بارہمولہ ریل لنک پروجیکٹ کے ایک حصے کے طور پر یہ پل دنیا کا سب سے اونچا ریلوے پل ہے اور اسے شمالی ریلوے ۲۸۰۰۰ کروڑ روپے کی تخمینہ لاگت سے تعمیر کر رہا ہے۔