ہندوستانی خواتین ٹیم نے سری لنکا کو 34 رن سے شکست دی

دمبولا// ہندوستانی خواتین ٹیم نے جمعرات کو سری لنکا کے خلاف پہلا ٹی ٹوئنٹی میچ 34 رن سے جیت لیا اور تین میچوں کی سیریز میں ایک۔صفر سے برتری حاصل کرلی۔
ہندوستان کی ٹیم نے یہاں ٹاس جیت کر پہلے بلے بازی کا فیصلہ کیا۔ ہندوستان نے شروع میں وکٹیں گنوائیں، لیکن شیفالی ورما کے 31، جے روڈریگس کے 37 ناٹ آؤٹ اور کپتان ہرمن پریت کور کے 22 رن کی بدولت ہندوستان نےچھ وکٹ پر138 رن کا قابل دفاع اسکور بنایا۔
اس کے بعد سری لنکا کی بلے باز ہندوستانی اسپنرز کے آگے نہ چل سکیں اور ٹیم 20 اوورز میں پانچ وکٹوں پر 104 رنز ہی بنا سکی۔ سری لنکا کی جانب سے صرف کاویشا دلہاری ناٹ آؤٹ 47 رنز بنا سکی۔ ہندوستان کی جانب سے رادھا یادیو نے سب سے زیادہ دو وکٹیں حاصل کیں۔ ہندوستانی بولنگ میں خاص بات یہ تھی کہ انہوں نے ایک بھی نو بال اور وائیڈ نہیں کروائی۔