بی جے پی نے ایم ایل اے فنڈ میں کمی کرکے دہلی والوں کو دھوکہ دیا ہے : اے اے پی

نئی دہلی// عام آدمی پارٹی (اے اے پی) نے ایم ایل اے فنڈ کو 15 کروڑ سے کم کرکے 5 کروڑ روپے کرنے پر اعتراض ظاہر کیا اور کہا کہ بھارتیہ جنتا پارٹی (بی جے پی) نے ایم ایل اے فنڈ میں کٹوتی کرکے دہلی کے لوگوں کے ساتھ دھوکہ کیا ہے ۔
ایم اے پی کے دہلی ریاستی صدر سوربھ بھاردواج نے ایم ایل اے فنڈ میں بھاری کٹوتی پر سخت اعتراض ظاہر کرتے ہوئے آج کہا کہ بی جے پی نے ایم ایل اے فنڈ میں کٹوتی کرکے دہلی کے لوگوں کو دھوکہ دیا ہے ۔ بی جے پی نے ایک لاکھ کروڑ روپے کا بجٹ پیش کیا تھا، اگر یہ محض نعرہ نہیں ہے تو ایم ایل اے فنڈ میں بھی اضافہ ہونا چاہیے تھا۔
انہوں نے کہا کہ اے اے پی حکومت میں ایم ایل اے کو پندرہ کروڑ روپے کا فنڈ ملتا تھا اور وہ اپنے علاقوں میں تمام کام کرواتے تھے ۔ دراصل، بی جے پی نہیں جانتی کہ حکومت کیسے چلائی جائے ۔ ورنہ وہ مختلف فنڈز میں کٹوتی کرکے عوامی بہبود کی اسکیموں کو نہ روکتی۔
انہوں نے کہا کہ مارچ میں بی جے پی نے دہلی کا بجٹ پیش کیا۔ بی جے پی نے بجٹ میں بڑا شور مچایا کہ دہلی کا بجٹ ایک لاکھ کروڑ روپے ہے ۔ یہ بی جے پی کی ایک چال اور نعرہ تھا کہ اس نے اقتدار میں آتے ہی دہلی کا بجٹ 70 ہزار کروڑ روپے سے براہ راست 1 لاکھ کروڑ بڑھادیا۔ اب سوال یہ ہے کہ اگر بجٹ میں اضافہ ہوا ہے تو ایم ایل اے فنڈ کی رقم بھی بڑھے گی۔
اے اے پی لیڈر نے کہا کہ بی جے پی کا یہ دعویٰ کہ ایم ایل اے فنڈ سے پیسہ ضائع کیا جا رہا ہے پوری طرح غلط ہے ۔ جب بھی حکومت نے ایم ایل اے کو ایم ایل اے فنڈ دیا تو انہوں نے اس کا بھرپور استعمال کیا۔