کورونا مثبت کیسوں میں اضافے کا رجحان جاری ‘ وادی میں ایک کی موت

سرینگر//
جموںکشمیر میں کورونا وائرس کے یومیہ کیسز میں اضافہ کے بیچ بدھ کو مزید ۴۰لوگوں کی رپورٹ مثبت آئی جبکہ اس دوران ایک مریض فوت ہوا۔
ایک سرکاری بیان کے مطابق بدھ کے روز جموں ضلع میں۱۶‘ سرینگر میں۱۱، کولگام میں چار ، سانبہ میں تین ، بڈگام میں تین، اْدھم پور میں دو اور کٹھوعہ میں ایک کی رپورٹ مثبت آئی۔
بیان میں کہا گیا ہے کہ کشمیر صوبے میں کورونا سے ایک مریض کی موت واقع ہوئی ہے اور اس طرح سے اس وائرس سے ابتک۴ ہزار۷۵۵ مریض فوت ہو چکے ہیں۔اْن کے مطابق چوبیس گھنٹوں کے دوران ۱۵مریض صحت یاب بھی ہوئے ہیں۔
دریں اثنا ڈاکٹروں نے لوگوں کو مشورہ دیا ہے کہ کورونا کیسوں میں اضافہ کے پیش نظر رہنما اصولوں پر سختی کے ساتھ عملدرآمد ہونی چاہئے۔انہوں نے بتایا کہ پچھلے چوبیس گھنٹوں کے دوران یومیہ کیسز میں سو فیصد کا اضافہ ہوا ہے لہذا اگر احتیاط نہ برتی گئی تو وائرس سنگین رخ اختیار کرسکتا ہے۔
ڈاکٹروں کا کہنا ہے کہ گھر وں سے باہر آتے وقت ماسک کا استعمال ناگزیر ہے۔انہوں نے بتایا کہ کورونا سے بچنے کا واحد راستہ ماسک ہے لہذا اس پر ہر کسی کو عمل کرنی چاہئے۔ اْن کے مطابق جموں وکشمیر میں لگاتار کیسز بڑھتے جارہے ہیں اور ایس او پیز پر عملدرآمد سے ہی اس وائرس کے خلاف جنگ جیتی جاسکتی ہے۔