متمول ثقافتی ورثہ، مہاراشٹر، گجرات کی روایات ملک کے لیے فخر کی بات: ریکھا گپتا

نئی دہلی// دہلی کی وزیر اعلیٰ ریکھا گپتا نے جمعرات کو یہاں سکریٹریٹ میں مہاراشٹرا اور گجرات ڈے کے موقع پر کہا کہ دونوں ریاستوں کی بھرپور ثقافتی وراثت، روایات اور قیادت ملک کے لیے فخر کی بات ہے ۔
محترمہ گپتا کے ملک کی مختلف ریاستوں کے یوم تاسیس کو جوش و خروش اور وقار کے ساتھ منانے کے فیصلے کو آگے بڑھاتے ہوئے آج مہاراشٹرا اور گجرات کے دن کے موقع پر محکمہ فن، ثقافت اور زبان کی جانب سے ایک رنگا رنگ ثقافتی پروگرام کا انعقاد کیا گیا۔ پروگرام کا مقصد دونوں ریاستوں کے شاندار ثقافتی ورثے ، زندہ روایات اور تاریخی ورثے کی نمائش کرنا تھا۔ ساہتیہ کلا پریشد سے وابستہ تقریباً 40 فنکاروں نے لوک رقص، موسیقی، ڈرامہ اور روایتی فنون کی شاندار پرفارمنس دی۔ ان پروگراموں نے دونوں ریاستوں کی متنوع ثقافتی ورثوں کو زندہ کیا۔
وزیر اعلیٰ نے کہاکہ "مہاراشٹر اور گجرات کے لاکھوں شہری دہلی میں رہتے ہیں، جو اپنی محنت، لگن اور تندہی سے نہ صرف اپنی ریاستوں بلکہ پورے ملک کی ترقی میں اہم کردار ادا کر رہے ہیں۔ ان ریاستوں کے شہریوں نے ہندوستان کی سیاست، معیشت اور ثقافتی ترقی کی تشکیل میں اہم کردار ادا کیا ہے ۔”