سرینگر، جموں قومی شاہراہ پر ایک روز بعد یکطرفہ ٹریفک کی نقل و حمل بحال

وادی کشمیر کو ملک کے باقی حصوں کے ساتھ جوڑنے والی سرینگر، جموں قومی شاہراہ پر ایک روز بعد پیر کو یکطرفہ ٹریفک کی نقل و حمل بحال کر دی گئی۔
واضح رہے کہ ضلع رام بن میں کئی مقامات پر مرمت اور مزید وسعت دینے کی وجہ سے قومی شاہراہ کو گذشتہ روز ٹریفک کےلئے بند کر دیا گیا تھا۔
ٹریفک حکام نے بتایا کہ قومی شاہراہ پر مسافر گاڑیوں کی یکطرفہ نقل و حمل بحال کر دی گئی ہے اور پیر کو گاڑیوں کو جموں سے سری نگر جانے کی اجازت ہے ۔انہوں نے کہا کہ شاہراہ کی حالت اور ٹریفک صورتحال کا جائزہ لینے کے بعد بڑی گاڑیوں کو چلنے کی اجازت دی جائے گی۔مسافروں سے کہا گیا ہے کہ وہ لین ڈسپلن پر عمل کریں اور اوور ٹیکنگ سے پر ہیز کریں۔
ادھر جنوبی کشمیر کے ضلع شوپیاں کو صوبہ جموں کے راجوری اور پونچھ اضلاع کے ساتھ جوڑنے والے تاریخی مغل روڈ اور وادی کو لداخ یونین ٹریٹری کے ساتھ جوڑنے والی سرینگر ، لیہہ شاہراہ پر ایڈوائزری کے مطابق ٹریفک کی نقل و حمل جاری ہے ۔
حکام نے بتایا کہ تاہم بھدرواہ، چمبا روڈ پر ٹریفک ہنوز بند ہے