سوپور میں لشکرِ طیبہ کے دو ہینڈلرز کی جائیداد قرق:پولیس

سرینگر//
شمالی کشمیر کے سوپور علاقے میں پولیس نے کالعدم تنظیم لشکرِ طیبہ سے وابستہ دو دہشت گرد ہینڈلرز کی سات مرلہ اراضی کو ضبط کر لیا ہے ۔
پولیس کے ایک ترجمان نے بتایا کہ بدھ کے روز سوپور پولیس نے بلال احمد میر ولد حمزہ میر اور محمد عمر میر ولد غلام حسن، ساکنان براتھ کلان، سوپور کی سات مرلہ غیر منقولہ اراضی کو ضبط کیا۔
ترجمان نے کہا کہ مجاز اتھارٹی سے منظوری حاصل کرنے کے بعد، پولیس نے محکمہ مال کے اہلکاروں کے ہمراہ ضبطی کی کارروائی عمل میں لائی۔
پولیس کے مطابق، دہشت گردی کے ماحولیاتی نیٹ ورک کو ختم کرنے کی خاطر اس طرح کی کارروائیاں مستقبل میں بھی جاری رہیں گی۔